Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Thursday, 3 April 2025

Sacad Iyo Leelkase Birta Iska Aslay Oo Waxay Dacfaruureen Dedaal Nabadeed Ee Abid Soo Taxnaa .. Waa Su'aale Daandaansi Reer Lagama Koro Miyaa? .. Dugaag Is Cunaaya Ee Yaa Ku Gablamaya

Wednesday - April 2, 2025




Mudug- Gaalkacyo- Wararka maanta argagaxa leh ee dadka ma-hadhow ku reebtay iyo dhabana-hays oo ka imaanaya dhinacaas iyo galbeedka Mudug waa wax laga yaq-yaqsado dharbaaxada sokeyaha la isu dhiibay, waa qaran-jab iyo dad-nimo-xumo laga xumaado, oo la dihi-karo waa balwad xun oo noloshiiba waxa la dhaafsaday waxshi-nimo iyo dhadhamo yar ..  Waa bahalo wixii habaaskaas kiciyey amase dagalka bilaabay, waa Zaman Caqli-siib oo la yaab lahayen in aynu u badanay Rifayaal iyado wixii wax-garadka laga sugaayey ay noqodeen Haad iyo Eegto oo aan laga dhaadicin-karin waxaasi waa qalad .. Waxaa loo dhurtay Calooshood la ciyaar aan caqli lahayen ayaa la noqday, balse tallo-ba canaad baa laga yaqaanaa .. waxaa la yiri: Dhuumasho u Dhabarku muuqdaa ma aha dhuumasho, waa wax la dambaabsiiyo oo dadka la rabo in loo sheego been hoostana laga walaaqaayo .. Arinta heshiinsiinta kol hore waxay ahayed mid hoosta ka qalalan oo la soo dhoo-dhobay iyo dhalanteed la sawiraayo, balse sida la sheegay waxay ujeededu ahayed "Irbad Kaar Jabin" oo lagu mudaayey Reeraha Leelkase

Durbaanka dagaalka ee saaka la garaacay iyo qaylada soo yeertay ee saaxada galbeedka mudug ka soo cusboonaaday ee dhiilada iyo dhibta wadata ee ay ka dambeeyaan dadka  colaada iyo dhibka ka hurinaaya, hadaba soo ma aha inaan is -weydiino: Waa kuma kan caga-baruurka la soo dirsaday oo intaas oo dhan qas iyo buuq degaanka kawada? 

Cala ay xaal wararku waxay sheegayaan in dagaalki labada dhinac ay dad badani isaga dhinteen balse Xoorka iyo Waraabaha ayaa ka duceeyey, waxaana la sheegay in beesha Leelkase ay ka dhinteen tiro 16-Wiil balse dhaawacu u gaaraayo tobaneeyo, halka beesha Sacad ay ka Geeriyoodeen tiro kor u dhaafeysa Sodomeeyo iyo dhaawac aan la soo koobi-karin .. Wararka ayaa intaa raacinaya in gurmad xoog leh u ka jiro dhinaca leelkase oo meel walba Rag rasaasta ka hakan dirir u jidbeysan naftu-hurayaal ah ay isaga yimaadeen oo halkas ay ku dajiyeen khariidadi ugu dambeysay ee Rogaal celinta .. Jihada culus ee duulaanka ay u socdaan lama oga, laakiin koleyba sida la xusay jilba culusta iyo hor-joogayaasha beesha ayaa Wiilashaas dabar ku haya oo leh war dhalinyaroy jooga talo waxay ku toosta tashiga .. wixii soo kordha waan idin la socodsiin-doonaa