Nin Baa Laga Haya: Wadaadow ILa Safka Dambe Xaniin-yaha Baa La Is Hayaaye Ee Xiixda Jooji .. Dawlada Somaliya Oo Sharci-daro KuTilmaantay Gudiga Doorashada Ee U Magacaabay Madaxweynaha JubaLand
Sunday - November 10, 2024
Dowladda Federaalka Soomaaliya ayaa si adag u cambaareysay tallaabada uu Madaxweyne Axmed Madoobe ku magacaabay guddiga doorashooyinka Jubaland.
Qoraal ka soo baxay wasaaradda Arrimaha gudaha dowladda Federaalka Soomaaliya, ayay ku cambaareysay magacaabista guddiga doorashooyinka Jubaland, oo ay ku tilmaantay mid sharciga baal-marsan.
"Dowladda Federaalka waxey cambaareyneysaa tallaabada sharci darrada ah ee Mudane Ahmed Madobe ku magacaabay Guddi is doorasho" ayaa lagu yiri qoraalka ay soo saartay wasaaradda Arrimaha gudaha dowladda Federaalka Soomaaliya.
"Waxay uga digaysaa talaabo kasta oo sharci darro ah, taas oo abuuri karta qalalaase siyaasadeed, mid amni iyo mid dhaqaale, isla markaana kala qaybin karta bulshada reer Jubaland ee walaalaha ah" ayuu sii raaciyay qoraalka wasaaradda.
Dowladda Soomaaliya ayaa sidoo kale ku eedeysay Madaxweyne Axmed Madoobe in uu ka baxay heshiisyo siyaasadeed oo lagu go'aamiyay in dalka laga qabto doorasho qof iyo cod islamarkaana uu mas’uul ka yahay khilaafaadka jira.
