Xam-Xamta Iyo Hadal-haynta Suuqa .. Ma Dhabaa In Muuse Bixii Uu Diyaarad Ku Tegay Magaalada Burco

Burco  – Warar Xam-Xam ah weli hubanti u si baahan oo soo gaaraya wargeyskaan Galdogob Times ayaa sheegaya in masuuliinta Amniga u qaabilsan safarka Muuse Biixi ee Burco ay xaqiijinayaan in Muuse duyuurad ka raacay magaalada Berbera halka masuuliyiintii safarka ku wehelineysay ay wadada mareen.

Muuse Bixii ayaa tilaabadan qaatay ka dib kolkii ay madax dhaqameedka Garxajis ku guuldareysteen in ay Jebhada Gacan-Libaax ku qanciyaan in Muuse iyo safrkiisu amni dhulka ku maraan.

Muuse Biix oo awoodi-waayay in uu safar dhulka ah ku tago Burco ayaa haatan isu muujinaya in uu awoodiisa uu ku joogo Burco .. Waxaa la filayaa in sidan oo kale uu duyuurad ugu soo duulo Hargeysa maalmaha soo socda.

Degaanada Bariga Burco oo uu haatan Muuse ku sugan yahay ayaa waxa had iyo gooraale ku hareereysan shaqaale dawladeed oo degaano kala duwan laga soo daad gureeyay iyo ciidamo xiran dharka rayidka oo Muuse u muujinaya in uu shacab dhex-joogo.

Si kastaba ha ahaatee Jabhada Gacan-Libaax oo haatan degaano faro badan isku balaarisay ayaa qorsheyneysa hawgalo lagu beegsanayo magaalooyinka, Mana cada in qorsheyaashu ka mid yihiin beegsi toos ah oo lalo eeganayo Muuse Biixi iyo shaqaalihiisa.