Qisadaan Waa Qiso Qiso Ah .. Kaatunki Boqorka Oo La Qarsaday Iyo Xeeladi Lagu Helay
Saturday - July 15, 2023
Boqor baa inankiisii Kaatun uu lahaa siiyay .. Kaatunkii ayaa inankii ka lumay, dabadeed inanki Isaga oo ka xun Kaatunkii Aabihii lahaa ee uu siiyay, oo sidii uu heli lahaa ka fekeraya ayaa wuxu la kulmay la Taliyihii Boqorka.
La Taliyihi ayaa inanki ku yiri "Amiirow waxaa ka muuqata Wareer iyo Murugo ee maxaa ku helay?" Amiirki ayaa yiri "Kaatun uu boqorka Aabahay leeyahay ayuu i siiyay. Kaatunkii ayaa iga lumay, waxaana ka xumahay Kaatunkaa aan dayacay waxanaan ka fekerayay sidii aan u heli lahaa"
La taliyihi ayaa hadalki qaatay oo yiri "Amiir Ha walwalin oo ha wareerin ee insha Allah weynu helaynaa oo Kaatunkii Meel fogna ma jiree golahan boqortooyada ayaa lagu hayaa" .. Amiirki oo faraxsn ayaa yiri "Ma golahan boqortooyadaa lagu hayaa!?"
La-taliyihii oo ay Ag joogaan madaxdii Boqortooyadu waxay maqlaayeen hadalka dhex-maray La-Taliyaha iyo Amiirka, kadib la taliyihi markale ayuu hadalki ku celiyey oo yiri "Haa Ninka Kaatunkii Boqorka hayaa golahan ayuu joogaa.waxanaad ku garan-doontaa ninkaasi Garkiisa Saxar baa saran"
Markuu Amiirki eegay madaxdii golaha joogtay, ayaa ninkii Kaatunka hayay Garkiisii gacanta ku masaxay. Amiirki intuu ninkii is hor taagay ayuu yiri "Ninkan Ha la Baaro" .. Ninkii baa la baaray oo laga soo saaray Kaatunkii Boqorka.
Amiirki in uu ninkii Kaatunka Boqorka helay ee qarsaday ciqaabo, waxa ilawsiiyay in uu ogaado siduu la-Taliyihu ku gartay ninkan Kaatunka qarsanayay oo wuxu weydiiyey la-taliyihii "Waxad ii sheegtaa sida aad ku garatay ninka Kaatunka qarsaday"
La-Taliyihi wuxuu yiri "Qofka dembi falaa haddii uu dareemo in la ogaaday wuu karkarayaa, balse Madaxda kale iyo ninkan Kaatunka qarsanayay midna Garkooda Saxar ma saarayn. Hasa yeeshee, ninkii Kaatunka qarsanayay waxay la noqotay in garkiisa Saxar saaranyahay. markaasu Isaga oo aan is ogayn ayuu garkiisii masaxay si aanu noqon ka Saxarku saaranyahay .. Falakaasi isaga oo gub-gubanaya ayuu sameeyay waase kan caddeeyay in uu Kaatunkii Boqorka qarsanayo!!!
