Korneyl Bixii Ee Looga Taag-Waayey Khidadaha Laysarka Khiyaaliga Ee Mirqaanku Hago Oo Talaabadu Qaadaba Khasaaro Macaasha .. Xaashaa-Lilahi Reer Sool Oo Muran Li'i Cawradi S/Land Banaanka Soo Dhigay

Faahfaahino dheeraad ah ayaa waxaa laga helayaa xiisad dagaal oo shalay iyo maanta duleedka magaalada Laascaanood ee xarunta gobolka Sool, taas oo u dhexeyso ciidamada Somaliland iyo kuwa SSC-Khaatumo .. Xiisadda ayaa si gaar ah uga taagan bariga magaalada, gaar ahaan aagga xerada Goojacadde oo ay weli isku horfadhiyaan ciidamada hubeysan ee labada dhinac.

Wararka ayaa sheegaya in milatariga Somaliland iyo ciidanka deegaanka ay haatan dhaq-dhaqaaqyo iska soo horjeedo ka wadaan halkaasi, taas oo uga sii dareyso xiisadda taagan .. Sidoo kale wararka ayaa intaasi ku sii daraya in labada dhinac ay heleen gurmadyo kala duwan oo ciidan ah, kuwaas oo saacadihii ugu dambeeyay gaaray duleedka Laascaanood, si ay ugu biiraan dagaalka ka socda halkaasi.

Dagaallo culus oo u dhexeeyo labada dhinac ayaa maalmihii ugu dambeeyay dib uga qarxay aagga Laascaanood, kuwaas oo ay barbar socdeen duqeymo khasaare xoogan geystay.

Xiisaddan cusub ayaa ku soo aadeyso, ayada oo bayaan kasoo baxay Golaha Ammaanka ee QM looga hadlay xaaladda adag ee ka jirta magaalada Laascaanood ee gobolka Sool, ayada oo loogu yeeray Somaliland in ciidamadeeda ay kala baxdo aagga Laascaanood, sidoo kalena ay is xakameeyaan ciidamada SSC, si gargaar loo gaarsiiyo dadka ay waxyeelada soo gaaray.