Balaayo Horseede Hore Looga Quustay Hasa-Yeeshe Mar Uun Baa La Helin .. Horjooge Ka Tirsan Kooxda Daacish Oo Gacanta Lagu Dhigay

Garowe- Puntland ayaa sheegtay inay gacanta ku  soo dhigtay horjoogayaal katirsan kooxda Daacish, kaddib howlgal ay ciidanku ka sameeyeen degaanka Camaamo oo ka tirsan degmada Balidhidin ee Gobolka Bari.

War-Saxaafadeed ka soo baxay taliska ciidanka booliiska Puntland, ayaa lagu sheegay in horjoogayaasha gacanta lagu soo dhigay ay kasoo jeedaan dalalka Suudaan iyo Suuriya,.

Booliiska ayaa sheegay in horjoogayaasha la soo qabtay uu kamid yahay Maxamed Ibraahim Daaha oo u dhashay dalka Suudaan. Booliiska ma bixin macluumaad badan oo ku saabsan sarkaalkan.

Horraantii Bishii January, 2023, ayaa Laamaha amniga Puntland ayaa ku guuleystay inay dilaan madaxii hawlgallada Daacish, Abu Albara Al Amani oo u dhashay gobolka Amxaara ee dalka Itoobiya.

Daacish ayaa saldhigyo qarsoodi ah ku leh buuralayda Cal-miskaad ee gobolka Bari, waxayna marar badan  weerareen degmada Balidhidhin oo kutaala cirirfka fog ee gobolka Bari