Waxaa Jira Waxaad Necbeysato Oo Kheyr iyo Wanaag Kuu Ah Iyo Waxaad Jeceshahay Oo Shar Kuu Ah .. Waa Qiso La Xariirta Haddi Aad Arin Weydo Ha Ka Murugoon

Waxaa jiray Nin Markii uu subaxnimadii hore kacay ee shaqada tegayay niyad umuu hayn, maxa yeelay waxa ka horeeya hawl-adag oo haddana qaylo iyo canaan badan .. Isla maalintaasi markii uu shaqada dhameeyay ayaa loo sheegay in ay ka dhamaatay shaqadii shirkadani oo aanu soo shaqo tegin maalin danbe .

Aad ayuu u fikirayay intii uu Guriga ku sii socday maxa yeelay iyada ayaa ahayd meesha keliya ee noloshiisa iyo Tan iyo Qoyskiisa uu ka soo saaro, Laakiin intii uu dhexda ku jiray oo uu watay gaariga  gaboobay ayuu Taayir ka banjaray, markii uu la soo baxay kii kaydka ahaa wuxu arkay inuu isna banjar yahay.

Isagoo ay isagu darmeen labada Murugo ayuu Nin Gaari wataaa soo maray, ninki ayuu ka codsaday inu meeshu rabay geeyo kadib markiiba wuxu ka ogolaaday inuu gaarsiiyo isaga iyo taayirkiisa banjar-laha.

Markii ay is waraysteen ayuu u sheegay inuu ka tegay shaqo uu hayay oo uu ka fekerayay halkii uu biilka ka soo saari laha, Laakiin ninkan soo qaaday waxa uu maamulayay Shirkada weyn oo isla maalintaasi  wuxu  raadinayay qof u qabta shaqada uu ninkani yaqaanay.

Waxaana uu sheegay inuu Berri soo shaqo tago heshiiskana galaan, isagoo mushaharka uu u sheegay ku laban laabamay kii shirkaddii laga eryaya ka qaadan jiray. Waxa jira waxaad necbaysto oo khayr iyo wanaag ku ah iyo waxaad jeceshahay oo shar kuu ah.