Ha La Ba'o Balaayana Ha Dhacdo Cidna Yey Harin .. Butin Ciil Ku Gadooday Oo Amray In Heegan La Galiyo Ciidamada Rida Hubka Culus Ee Nuclear-ka

Madaxweynaha Ruushka, Vladimir Putin ayaa amar ku siiyay Wasaaradda Gaashaandhigga in ay heegan buuxa galiso ciidamada ka hortagga ”Nukliyeerka”, si ay uga jawaabaan hanjabaadaha ”Gardarada ah” ee ka soo yeeraya NATO.

Amarka Madaxweynaha Ruushka ayaa yimid markii uu la kulmay Wasiirka Difaaca, Sergei Shoigu iyo Taliyaha Guud ee Ciidamada General Valery Gerasimov.

Ruushka ayaa duulaan galay maalinkii Afaraad ku qaaday dalka Ukraine, dagaal lagu hoobtay ayaana dhexmarayay weli Ciidammada labada dal, iyadoo Ruushku uu duqeymo culus oo cirka ah ka wado magaalooyin ay kamid tahay caasimadda Kyiv.

Sida ay sheegayaan Ciidamada Ukraine ayaa dib ula wareegay gacan ku haynta magaalada muhiimka ah ee Kharkiv, oo saaka ay gudaha u galeen Ciidanka Ruushka.

Muuqaalo lagu faafiyay baraha bulshada ayaa muujinayay dagaallo wadooyinka ku dhexmaraaya ciidamada Ukraine iyo kuwa Ruushka.