Cirku Waa Daruurinaya Gooru Di'i Yaa Og .. Odayaasha Dhaqanka Hawiye Oo Ka Digay Barbar- riiqadka Shirka Dhuusamareeb
Thursday - August 20, 2020
Warku Daah Ku Wacnaa .. Odayaasha dhaqanka ee beelaha hawiye oo maanta shirweyne ku qabsaday magaalada Mogdisho ayaa si dardaar-werina uga digay madaxda sare ee dawlada Fedaraalka in aanay dalka u horseedin qiiq kale in la huriyo oo qaylo kor u duusho, dabadeedna dalka ay ka dhacdo qalalaase siyaasadeed iyo mid Amni .. waa in miiska maslaxda lagu heshiiyo ayey dhaheen oo aan fawdo qurux la moodin
War Murtiyeed ka soo baxay gunaanadki shirka ayaa odayaasha beesha Hawiye si adag ugu sheegeen in lagama maarmaan ay tahay in doorasho heshiis lagu yahay ay ku dhacdo waqtigeedi, isla markaana aanay marnaba dhicin waqti lumis iyo mabda' miriray aan shaqeyneyn oo mudo kordhis lagu raadinaayo. balse gacmo wada jira iyo talo ayaa gool lagu dhalin-kara
Beelaha Hawiye gaar ahaan bulshadeeda ku nool Mogdisho ayaad mooda iney ka go'antahay in kacdoon ka bilawdo mogdisho haddi dawlada fedaraalka ay sameyso isku day muddo kororsi.
