Qaybti 21-Aad .. Ku Xirnow Taxanaha Akhbaarti Zamanki Hore Ee Islaamka .. Qisadi Nabi Cuseyr Iyo Sidu U Gudoomay Awooda Alle
Saturday - May 16, 2020
Nabi Suleymaan geeridiisii kadib waxa Eebe u soo diray reer banu Israel
Nabi Cusayr, waxanu ugu yeeray qoomkiisii diinta islaamka iyo inay
Ilaahay caabudaan kaligii.
Nabi Cusayr CS, waxa uu daganaa dhulka
barakaysan ee Falastiin, kadibna dhulka waxa ka dhacay dagaalo ba’an oo
sababay inay magaalooyinku burburaan, dabadeedna Nabi Cusayr waxa uu is
waydiiyey sideebay u noolaan kartaa magaaladan kharaabtay!
Maalin
maalmaha ka mida ayaa Nabi Cusayr baxay asagoo wata dameerkiisii, cunto
ka koobnayd Muufo iyo sharaabka cinabka .. Markay ahayd waqtigii
duhurka ayuu Muufadi ku qooyey cabitaankii, Dameerkiina waa seeteeyey,
kadibna waa jiifsaday si uu unasto, markaasuu soo kacay qorraxdii oo sii
dhacaysa.
Nabi Cusayr waxa la hadlay Malag oo waydiiyey, “imisa
ayaad huruday ” Nabi Cusayr waxa uu yiri; “waxaan hurday maalin ama
maalin barkeed” .. Malagii waxa uu ku yiri waxaad Jiiftay BOQOL SANO ee
fiiri Cuntadii iyo Cabitaankaagii ismay badalin, sidoo kale day
Dameerkaagii waxa asiibay.
Nabi Cusayr waa fiiriyey Sharaabkii
iyo Cuntadii ayagoon is badalin, markaasu dayey Dameerkiisii waxa uu
arkay lafihii dameerka oo baaliyoobay, kadibna waxa uu Malagii yiri
“Daawo qaabka uu Eebe usoo noolaynayo Dameerka.” Nabi Cusayr CS, waxa la
tusay mucjiso, Lafihii Dameerka ee baaliyoobay ayaa is-qabsaday,
kadibna Hilibkii, Lafihii, Jirkii iyo Muruqyadii ayaa is-qabsaday. Ugu
danbayna waxa fuulay Dhoqgrtii, markaasa lagu afuufay Ruuxdii kadibna
Dameerkii waa ciyey Sadex jeer asagoo mooday inay qayaamadii dhcday ..
Nabi Cusayr markuu arkay mucjisada ayuu yirii waan ogahay in Eebe wax
kasta awoodo.
Nabi Cusayr CS, waxa uu u dhqaaqay gurigiisii uu
daganaa, kadibna waxa uu arkay magaaladii oo is badashay, cimaaradu
cusub oo la dhisay iyo magaaladii oo guud ahaan camiran.
Nabi
Cusayr waxa uu damcay inuu tago gurigiisii balse ma usan helin, kadibna
waxa uu la kulmay Haweenay Duq ah, oo uu waydiiyey gurigii Cusayr ..
Haweenaydii way oyday oo tiri Cusayr waa la waayey boqol sano ka hor,
waxaanay u dhowdahay inuu geeriyooday .. Nabi Cusayr waxa uu yiri Cusayr
waa aniga oo waxaan hurday mudo boqol sano ah, Eebana waa isoo kiciyey.
Haweenaydii
waxay ku tiri haddii aad Cusayr tahay, Eebe ii bari si uu indhaha iigu
fiiqo, xanuunkana iiga dul qaado. Nabi Cusayr waa masaxay wajigeeda
kadibna waxaa u fiiqmay indhihii, xanuunkiina way ka bugsatay, waxa la
yiri haweenayda da’deedu waxa uu ahaa 120 sano.
Haweenaydii waxay
fiirisay Cusayr kadibna way garatay inuu yahay Nabi Cusayr. Haweenaydii
waxay u gaysay qoomkiisii, markuu la kulmay qoomkiii ayey uga warrameen
in Bakhtunasar uu gubay kitaabkii Tawraadka ah .. kadibna Nabi Cusayr
CS waxa uu amray inay qodaan meel uu u cayimay, kadibna waxay ka soo
saareen kitaabkii Tawraadka ahaa oo uu aasay Nabi Cusayr boqol sano ka
hor. Hase ahaatee kitaabku waa duugoobay, oo baaba’ay.
Kadibna
Eebe ayaa qalbigii Nabi Cusayr ku ilhaamiyey kitaabkii oo dhan,
markaasay qoomkiisii qorteen oo ku farxeen in kitaabkii Tawrah dib ugu
soo laabtay.
Nabi Cusayr CS markuu geeriyooday ayey Yahuudii tiri
Cusayr waa wiilkii Eebe, ayagoo u nisbaynaya in Ilaahay dhalay ubad,
xumaan ilaahaybaa ka nasahan, wax ubad ahna Eebe ma dhalin, cidii
aamintana in Eebe ubad u sugnaadayna, diinta way ka baxday .. Ilaahay
baan ka magan galnay.
