Waxaa la sheegaya in Ergooyin kala duwan oo leh dhawr xildhibaano is xilqaamay oo u badan beesha daarood iyo saraakiil sar-sare oo ciidamadi hore ah ay talo masiirka xambaarsan kula kulmeen Madaxweyne Farmaajo oo ay u sheegeen gudcurka soo siyaaday iyo xaalada dalka ka oogan oo waliba talo ku siiyeen inu fikirkiisa fogeyo oo noqdo mid wax xaliya, isla markaana soo jeediyeeen in aan la abbaansan siyaasiyiinta xidida saaraya, gaar ahaan in Kheyre aan laga yeeli-karin Riwaayada siyaasadeed iyo khamaarka u ciyaarayo, waxay u sheegeen in Baruur qura ayaa Baruuro qurmisa.
Hasa ahaate Farmaajo oo baaq-yadooda ergadaas ka jawaabaya wuxuu tilmaamay in xog la'aan ay jirto oo dadku wax badan ka qarsoon-yihiin, dabadeedna faah-faahin iyo sharxaad ka bixiyey argtidisa xaalada dalka oo u ku sheegay in dalkii iyo dakiisiba gacan shisheeye cirka ku laashay oo waliba Waramo beerka kaga taagan-yihiin oo halkaas Macshar Jini Wal-insi, Gaalo iyo Muslinba, Bari iyo Galbeed u soo wada taagan-yihiin duulaanka dalka oo ficil la'aan markii la is qayb-qaybiyey xita Yam-Yam iyo qadaad-weyn UL booca noogu tukubayaan .. xaalku waa miskiin baa misko la fuulo leh oo meel-kasta albaabadi nala ka soo xiray ujeedku yahay in nala ka dhigo sabool maata ah silic u dhimata .. ma jirto ayuu yiri cid maanta na badbaadineysa oo waxaa nagu socda shirqoolo iyo qiisooyin yaab leh, wuxuu sheegay in ujeedada weyn ee dalkaan laga leyahay ay tahay in hantida iyo barwaaqada u ku jiifo mustaqbalka inta Gam iyo Gaw nala ka dhigo oo nala ku birin-birqeeyo dabadeed si sandula ah lagu xaraashto .. waxa socda iyo waxa nala damacsan-yahay ayuu yiri: maalinba maalinta ka dambeysa waa ka si kharaaraaneysa.