Haweyney Shaacisay In Ay Ka Qayb Galeyso Doorashada Madaxtinimada Somaaliya Oo Mogdisho Ku Sii Jeeda
Monday - July 23, 2012
Helsink- Amaal Cabdi Ibraahim oo ka soo dhooftay Magaalada Muqdisho
20-sanno ka hor iyada oo markaas jirtay 17-sano ayey ku sheegtay wargeysi ay siisay wargeysyada
Helsink ee ka soo baxa dalka Finland in ay ka qaybgalayso doorashada
madaxnimo ee Soomaaliya, iyada oo ballan qaaday in ay horumarin
doono adeegyada waxbarashada, caafimaadka iyo daryeelka haweenka iyo
caruurta.
Waxa ay haweenaydani sheegtay in ay dhawaan u
socdaali-doonto Soomaaliya ka hor inta aan la qaban doorashada dhici doonta bisha
August.
"Qalbigeyga waxaa ka buuxa murug, waxaan
doonayaa in aan Soomaaliya ka bedelo muuqaalkii ay muddada dheer kusoo jirtay,
ayay tiri Amaal
Inta badan murashaxiinta u taagan xilka madaxnimo
ee Soomaaliya ayaa ahaa qaar dalka dibeddiisa muddo dheer ku
noolaa, iyada oo Amaal ay noqonayso haweeneydii ugu horreysay oo si rasmi ah
ugu dhawaaqda in ay tahay murashaxad ka qaybgalaysa doorashada madaxnimo ee
Soomaaliya.
"Waxaan halkan (Finland) ka bartay shaqo,
musuqmaasuq la'aan iyo wadan jacayl," ayay tiri Amaal oo ah hooyo leh
shan caruur ah leh .