Fananada Saado Cali Warsame Oo Ku Dhacantay Shil Baabuur Iyo Warar Iskhilaafsan Oo Ka Soo Baxay
Friday - July 20, 2012
Galdogob Times-Garoowe- Fanaanada Saado Cali Warsame ayaa ku dhawacantay shil baabuur oo ka dhacay Magaalada Garoowe ee xarunta maamul goboleedka Puntland, inkastoo ay soo baxayaan warar kala duwani , iyada oo la dhigay cisbitaal ku yaalla Magaaladaas.
Fanaanada ayaa la sheegay in ay ka soo degtay garoonka diyaaradaha ee Magaalada Gaalkacyo, waxaana uu shilka galay gaarigii ay la socotay ka dib markii duqeeyay baabuur nooca loo yaqaano Candho-mayd laha.
Waxa kale la sheegay in ay halkaas ku geeriyoodeen nin weriye ahaa oo u shaqaynayay shabakeda Taleex.net Maxamed Cali Cilmi iyo askari ilaalo u ahaa wasiir ku xigeenka maaliyada Puntland. hasa ahaate warka ayaa loo badinaaya in Saado cali ay gacan ka jabtay
Saado Cali Warsamed ayaa ka mid ahayd hoboladii Waaberi, waxaana ay fanka ku biirtay horaantii 1970-yadii ,iyada oo aad looga jecelyahay dhulka Soomaalida oo dhan.