Digtoor Cabdiweli Oo Loo Magacaabay Raiisal Wasaaraha Somaaliya
Thursday - June 23, 2011
Muqdisho:Xaflad heer sare qaaya leh loona soo agaasimay si wacan kana soo qeyb galeen Madaxweynaha Soomaaliya Shariif Sh Axmed, iyo Shariif Xasan sakiin, waxaana halkaas ku weheliyey oo goobta joogay Raiisul Wasarihii hore Maxamed C/laahi Farmaajo, halkaaso maanta Madaxweynaha Soomaaliya Shiikh Shariif goobtaas u kaga dhawaaqay in uu noqdo Raiisul Wasaaraha Dalka Dr. Cabdi Wali Maxamed Cali.
Mudane Digtoor Cabdiwali oo horay u ahaa Raiisul Wasaare ku xigeeen iyo Wasiirka Qorsheynta Qaranka iyo Xiriika Caalamiga. Waxaa uu horayna ka ahaa Professor Jaamacada Niagara University oo ku taala gobolka New York.
Raiisul Wasaaraha magacaaban ayaa waxaa uu ka heystaa MA iyo Ph.D Jaamacada weyn ee Harvard University qeybta Kennedy school of Government iyo George Mason University.
Madaxweynaha ayaa halkaas ka jeediyay qudbad kooban oo kula dardaarmay Raiisul wasaaraha cusub, isagoo ka dhawaajiyay in looga fadhiyo sidii wax uu ugu qaban lahaa dalka Soomaaliya.
Isla markaa Sidoo kale Shiikh Shariif waxuu mahad u celiyey Raiisul Wasaarihii hore ee Soomaaliya Mudane maxamed Cabdullahi Farmaajo, waxuuna ku amaanay taladi u tix galiyey ee xilka isaga casilay.