Baaqa Bulshada Somali: Kab Iyo Xaarkeed Waa La Isla Tuura .. R/W Kheyre Iyo Golihiisa Waa In La Isla Tuura

Run ahaanti shacabku waqtigi buun-buuniska, waxay Farmaajo u haysteen Kun Nin oo la isku soo kabay, oo kama ay filayen dhoohanaan iyo ncasnimo foorarta, balse waxay filayeen in u Taayirada iyo Batarigi biyuhu ka dhamaadeen ka badalo baabuurkii u xilkiisa la wareegay ee u darawalka ka ahaan jiray Xasan Shiikh oo kuwa cusub bulshada ka gadmaaya tijaabiyo, laakiin sida muuqata hindhisadi Farmaajo bulshadi waxaa wada gaaray hargab, wuxuuu gacanta ku soo qaatay ficilo maxsuulkeeda cidna saadaalin-karin oo si weyn maanta uga hor yimid iyo sababo u laftiisa ku bixi-karo .. Xaaladu waxay la mid tahay: Sahankii beenta sheegay ee abaarta u guuray.

Cala Kuli Xaal iyo dardaaran, koley farmaajow faraha la gashay oo hawl ku bilaabatay, hana is oran sax baad tahay haddi inta goor-goor tahay aan sidaan la isu dhaamin indhaha si wacan loo kala qaadin oo Caano qubtay-ba gadaalkood la qabtaa, isla markaa yaa hadal kugu daalin waxaa dardaaranku yahay inaad la socoto dulqaadka ummada oo waa in yar aan ka badneyn sanad inta lagu eegaayo, wixii ka dambeeya waa wxii aad la soo baxdo ee ha lagaa arko mudadaas wax bulshada raali galiya .. arintaan nin Ragi dardaaran bey u tahay doqonise waa mooge.